छत्रपती संभाजीनगर : जागतिक योग दिनानिमित्त ‘सकाळ’ आणि यशवंतराव चव्हाण आयुर्वेद महाविद्यालय (शिवा ट्रस्ट) यांच्या संयुक्त विद्यमाने शनिवारी (ता. २१) भव्य योग शिबिर होणार आहे. .योगदिनानिमित्त श्रीहरी पॅव्हेलियन, डी-मार्टच्या बाजूला, शहानूरमियाँ दर्गा येथे शनिवारी सकाळी सातला शिबिर आयोजित केले आहे. शिबिरात योगाचे विविध प्रकार, त्यांचा सराव करून घेतला जाणार आहे..सध्याच्या धकाधकीच्या काळात काम करताना अनेकांना पाठीचे व इतर आजार जडतात. हे आजार योगाच्या माध्यमातून कसे दूर करता येतील, यासंदर्भात मार्गदर्शन केले जाणार आहे. योग शिबिरात भुजंगासन, सेतुबंधासन, उत्तानपादासन, पवनमुक्तासन, योगनिद्रा, प्राणायामातील कपालभाती, अनुलोम-विलोम, भ्रामरी प्राणायाम असे विविध प्रकार शिकविले जाणार आहेत..Dharashiv News : उमरगा तहसील परिसराला हरित सौंदर्य; दहा गुंठ्यात मियावाकी जंगल उभं राहणार.योग मानवाच्या जीवनाला सुसह्य बनवतो. दररोज एक तास योगाभ्यास केल्याने शरीर सुदृढ आणि निरोगी होण्यास मदत होते. विविध आजारांमुळे हजारो रुपयांच्या औषधी आणि गोळ्यांपासून सुटका होते. पाठ, मणका तसेच कमरेचे आजार योगासनांच्या माध्यमातून बरे होऊ शकतात..त्यामुळे योगदिनाच्या निमित्ताने विविध योगासनांचा सराव आणि जीवनात त्यांचा अवलंब करण्यासाठी हे शिबिर महत्त्वाचे ठरणार आहे. हे शिबिर सर्वांसाठी मोफत असून, अधिकाधिक नागरिकांनी यामध्ये सहभागी व्हावे, असे आवाहन करण्यात आले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
