Municipal Elections : पुन्हा दलित मतांकडे लक्ष पराभव विसरून एमआयएम पक्ष लागला तयारीला

छत्रपती संभाजीनगर : विधानसभा निवडणुकीत मध्य आणि पूर्व मतदारसंघांत थोड्या मतांच्या फरकाने एमआयएमच्या दोन उमेदवारांना पराभव पत्करावा लागला. हा पराभव विसरून एमआयएमच्या राष्ट्रीय अध्यक्षांसह राज्याध्यक्ष, पदाधिकाऱ्यांनी मनपा निवडणुकीवर लक्ष केंद्रित केले..सभा, वैयक्तिक भेटी, पराभवाचे आत्मपरीक्षण करत चुका सुधारण्याचे काम एमआयएमकडून केले जात आहे. महत्त्वाचे म्हणजे मनपा निवडणुकीत दलित मतांना आकर्षित करण्याकडे एमआयएमचा कल असेल, असे सूतोवाच नेते, पदाधिकाऱ्यांकडून केले जात आहे.२०१९ मध्ये इम्तियाज जलील हे लोकसभेत जिंकले. मात्र, मध्य आणि पूर्व विधानसभेत एमआयएमला हार पत्करावी लागली. त्यानंतर २०२४ च्या लोकसभा निवडणुकीत आणि विधानसभेत एमआयएमच्या उमेदवारांना वंचितसह मुस्लिम मत विभाजनाचा फटका बसला..चुका झाल्या, त्या दुरुस्त करू, असे एमआयएमचे सर्वेसर्वा असदुद्दीन ओवेसी यांनी निवडणुकीदरम्यान मान्य केले. त्यानंतर भविष्यात दगाफटका होऊ नये, म्हणून समाज सांगेल तो उमेदवार देऊ. कुणीही गुडघ्याला बाशिंग बांधून नवरदेव होऊ नका, असा सज्जड दमही त्यांनी नुकत्याच झालेल्या मेळाव्यात पदाधिकाऱ्यांना दिला आहे.एमआयएम शहरात जोमाने आली. आमदार, २५ नगरसेवक असतानाही मुस्लिमबहुल भाग विकसित करण्यात फारसे यश आले नसल्याने मनपा पोटनिवडणुकीत पहिला पराभव त्यांना पाहावा लागला होता..लोकसभा निवडणूक हरल्यावर असदुद्दीन ओवेसी शहरात आले नव्हते. मात्र, यावेळी विधानसभेच्या पराभवानंतर शहरात आले. मनपा निवडणुकीबद्दल तयारीच्या सूचना त्यांनी दिल्या. लोकसभा, विधानसभेत ‘आदर्श घोटाळा’ प्रकरण लावून धरूनही त्यांना मते मिळाली नाहीत..Double Decker Electric Bus : डबल डेकर बस आता इलेक्ट्रिक; एप्रिलमध्ये शहरात दाखल होणार लवकरच ठरणार रूट.वंचितच्या मुस्लिम उमेदवारांनाही दलित मते फारशी मिळाली नाहीत. तरीही मनपामध्ये दलित मते काही मुस्लिम वॉर्डात निर्णायक आहेत. त्यात दलित चेहरा त्यांच्याकडे आता राहिलेला नसला, तरी दलितांच्या मतांशिवाय अपेक्षित विजय मिळणे एमआयएमला शक्य नाही. शिवाय दलितांना सोबत घेतल्याशिवाय सेक्युलर म्हणता येणार नाही. त्या पद्धतीने त्यांची रणनीती दिसून येत आहे.- डॉ. शाहेद शेख, राजकीय विश्लेषक.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.