New Harsul Development: नवीन हर्सूलचा विस्तार; पण सुविधांचा अभाव; गुंठेवारीचा तिढा, दूषित पाणी, कचरा डेपोची दुर्गंधी अन् चिखलमय रस्त्यांनी नागरिक त्रस्त

हर्सूल: नवीन हर्सूल परिसरात झपाट्याने बांधकामे वाढत असून, नवनवीन वसाहती उभ्या राहत आहेत. मात्र, वाढत्या नागरीकरणाच्या तुलनेत मूलभूत सुविधा उपलब्ध होत नसल्याने नागरिकांची परवड सुरू आहे. अनेक मालमत्तांची गुंठेवारी अद्याप झालेली नसून, गुंठेवारी करून घेण्याची नागरिकांची तयारी असतानाही महापालिकेकडून अपेक्षित कार्यवाही होत नसल्याची तक्रार नागरिकांनी ‘सकाळ’कडे समस्या मांडताना केली.