Chhatrapati Sambhajinagar
esakal
छत्रपती संभाजीनगर: शहराच्या नवीन जलयोजनेतून टाकलेल्या २,५०० मिलिमीटर व्यासाच्या मुख्य जलवाहिनीची कारकीनजवळ वेल्डिंग निखळल्याने चाचणीला शनिवारी (ता. २८) ब्रेक लागला. रविवारी (ता. २९) दुपारपर्यंत वेल्डिंगचे काम पूर्ण होईल, असे सांगण्यात आले होते. मात्र, तांत्रिक अडचणींमुळे हे काम पूर्ण होण्यास अजून, २४ तासांचा अवधी लागेल. त्यामुळे सोमवारी सायंकाळीच चाचणीचे पुढील चित्र स्पष्ट होईल.