टँकर-दुचाकीचा अपघात; एक ठार, दोन जखमी

वाळूज (जि.औरंगाबाद) : भरधाव जाणारी दुचाकी व पेट्रोलची वाहतूक जाणारा टँकर यांच्यात भीषण अपघात होऊन दुचाकीवरील आठ वर्षीय मुलगी ठार तर दोन जण जखमी झाले. हा अपघात गुरुवारी (ता.३) सकाळी साडेआठ वाजेच्या सुमारास (Aurangabad) खवड्या डोंगराजवळ झाला. खवड्या डोंगर येथे राहणारे दिलीप मोहन शिरसाठ (३०) हे पत्नी जयश्री, मुलगा सिध्दार्थ, मुलगी आम्रपाली तसेच शिरसाठ यांच्या मेहुण्याची मुलगी डॉली भोसले असे पाच जण दुचाकी (एम एच २०, बीडी -६४६७) वरून गुरुवारी (ता.३) रोजी सकाळी ८.३० वाजेच्या सुमारास जोगेश्वरी येथून तिसगाव येथील खवड्या डोंगर येथे घरी (Waluj) जात होते. त्यांची दुचाकी तिसगाव शिवारातील खवड्या डोंगराजवळ येताच पेट्रोलची वाहतूक करणाऱ्या भरधाव ट्रकने (एम एच २२, एए -३३४४) दुचाकीला धडक दिली. (One Died In Tanker Two Wheeler Accident, Two Injured)

या अपघातात दिलीप शिरसाठ व त्यांचा मुलगा सिध्दार्थ हे जखमी झाले. तर मुलगी आम्रपाली ही आठ वर्षीय मुलगी जागीच ठार झाली. याप्रकरणी दिलीप शिरसाठ यांच्या फिर्यादीवरून वाळूज एमआयडीसी पोलिस ठाण्यात (Waluj MIDC Police Station) टँकर चालकाविरुद्ध गुन्हा दाखल करण्यात आला आहे.