Banana Farming Success: वडजीच्या केळीची ‘इराण’ला भुरळ; अतिवृष्टीच्या संकटात शेतकऱ्यांनी कमावले ४२ लाख

पाचोड : अतिवृष्टी, बाजारपेठेतील अनिश्चिततेमुळे सध्या शेती व्यवसाय अडचणीत आहे; पण पैठण तालुक्यातील वडजी येथील चार शेतकऱ्यांनी जिद्दीच्या जोरावर केळीची बाग फुलवून आदर्श निर्माण केला आहे. खरिपाने दगा दिल्यानंतर या शेतकऱ्यांच्या १२ एकरांवरील ‘जी-नाईन’ जातीच्या केळीला सातासमुद्रापार इराणच्या बाजारपेठेत मोठी पसंती मिळाली आहे.