Chhatrapati Sambhajinagar: शेतकरी महिला चढली पाण्याच्या टाकीवर; फेर रद्दच्या मागणीसाठी आंदोलन; पैठण तहसील परिसरातील प्रकार

पैठण: आपल्या शेतजमिनीच्या सातबाऱ्यावर दुसऱ्या व्यक्तीच्या नावाने फेर घेतल्याचा आरोप करीत तो रद्द करण्यासाठी शेतकरी दांपत्याने तहसीलकडे निवेदने दिली. पण मागणी मान्य न झाल्याने ५९ वर्षीय शेतकरी महिला थेट पाण्याच्या टाकीवर चढली! यादरम्यान पोलिसांनी प्रसंगावधान राखले आणि तिची समजूत काढून टाकीवरून खाली उतरविले.