Pankaja Munde says she is ready to walk the ramp again to promote products made by rural women.
esakal
छत्रपती संभाजीनगर: राज्याच्या पर्यावरण मंत्री पकंजा मुंडे यांनी मुंबईतील एका फॅशन शोमध्ये रॅम्प वाॅक केल्यानंतर विरोधकांनी त्यांच्यावर टीकेची झोड उठवली. या टीकेला पंकजा मुंडे यांनी सडेतोड उत्तर दिले. ‘‘मला रॅम्प वाॅकची हौस नाही, मी एका चोवीस वर्षांच्या मुलाची आई आहे. बावीस वर्षांपासून राजकारणात सक्रिय आहे. माझ्या जालन्यातील ग्रामीण महिलांना व्यासपीठ मिळणार असेल तर मी त्यांच्यासाठी पुन्हा रॅम्प वाॅक करीन’’, अशा शब्दात त्यांनी विरोधकांना सुनावले.
