छत्रपती संभाजीनगर : तीन वर्षांच्या मुलीचा पासपोर्ट काढताना आईच्या लग्नापूर्वीच्या व नंतरच्या नावामुळे त्रास सहन करावा लागला. माहेर आणि सासरच्या नावात तफावत असल्याने लहान मुलीचा पासपोर्ट नाकारण्यात आल्याने मुलांच्या जन्म प्रमाणपत्रावर आईचे सासर आणि माहेरच्या नावाचा उल्लेख घेण्यासंबंधीचा धोरणात्मक निर्णय घेण्याचे निर्देश मुंबई उच्च न्यायालयाच्या औरंगाबाद खंडपीठाचे न्या. मनीष पितळे आणि न्या. वाय.जी. खोब्रागडे यांनी राज्य शासनाला दिले.