गंगापूर : शहरातील तापमानात अचानक मोठी घट झाली असून, तापमान घसरल्याने गारठा प्रचंड वाढला आहे. थंडी वाढल्याने आरोग्याच्या समस्याही वाढल्या असून सर्दी, ताप, खोकल्यासह संसर्गजन्य आजाराचे रुग्ण वाढले आहेत.
हाडे गोठविणाऱ्या थंडीमुळे नागरिकांना पुन्हा स्वेटर, टोपी अशा गरम कपड्यांचा वापर करून शरीराचे संरक्षण करावे लागत आहे. तसेच शेकोटीचाही आधार नागरिकांनी घेतला आहे. शहरासह ग्रामीण भागात सोमवारी (ता.२५) दिवसभर ढगाळ वातावरण होते. धुळीच्या वादळामुळे हवेत गारवा निर्माण झाला होता. त्यामुळे रात्रीतून तापमानात ५ अंशांनी घट आली.
पुढील चार दिवस अशीच स्थिती असेल. वाऱ्याचा वाढलेला वेग काहीसा कमी होईल. परंतु किमान तापमान स्थिर राहणार असल्याने थंडीची तीव्रता कायम राहील, असा अंदाज हवामान विभागाने वर्तवला आहे. वाढलेल्या थंडीमुळे जनजीवन विस्कळित झाले आहे. नागरिकांकडून दिवसभर गरम कपड्यांचा आधार घेतला जात आहे. शिवाय ठिकठिकाणी शेकोट्या पेटविण्यात येत असल्याचे दिसत आहे. बदलेल्या वातावरणाचा आरोग्यावरही परिणाम झाला असून सर्दी, खोकला, ताप यासारख्या रुग्णांची संख्या वाढली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
