Pokhari Water Conservation
esakal
पोखरी परिसर: व्यायामासाठी डोंगरावर जाणाऱ्या तरुणांना अधूनमधून हरिण, मोर, साळींदर, ससे, रानडुक्कर, नीलगाय असे प्राणी दिसत; पण पाण्याचे दुर्भीक्ष्य झाल्यावर त्यांचे हाल होत. हे बघून डोंगरावरच तलाव बांधण्याचे ठरवून या तरुणांनी श्रमदानातून वर्षभरात तब्बल १० लाख लिटर साठवण क्षमतेचा तलाव बांधत अनोखे उदाहरण सर्वांसमोर उभे केले आहे. फक्त टिकाव, फावडे, लोखंडी पहार यांच्या साहाय्याने रोज साधारण दोन तास काम करून हा तलाव बांधण्यात आला आहे.
