कन्नडच्या देवगाव रंगारी परिसरात पावसाचा कहर, पिके चालली सडून

देवगाव रंगारी (जि.औरंगाबाद) : देवगाव रंगारी (ता.कन्नड) (Kannad) येथे गेल्या आठवड्यापासून सुरू असलेल्या पावसामुळे शेतात पाणीच पाणी झाले आहे. त्यामुळे शेतकऱ्यांचे मोठे नुकसान झाले आहे. या भागात अनेक शेतकऱ्यांनी टोमॅटो, कापुस व मका, सोयाबीन, अद्रकची लागवड (Rain) केली होती. सतत होणाऱ्या अतिवृष्टीमुळे शेतातून पाण्याचा निचरा होत नाही. त्यामुळे शेताला तलावाचे (Aurangabad) स्वरुप आले आहे. यामुळे हातातोंडाशी आलेली पिके सडुन जात आहेत.

शेतकऱ्यांवर संकटाची मालिका सुरुच असल्याने तो हतबल झाला आहे. एवढे नुकसान होऊनही अद्याप पंचनामे केले जात नाही. सरसकट पंचनामे करून शेतकऱ्यांना मदत देण्यात यावी, अशी मागणी शेतकरी करित आहेत.