Sakal Book Festival: पुस्तकांच्या पालखीतून ‘वाचनसंस्कृतीचा जयघोष’; ‘सकाळ’ पुस्तक महोत्सवानिमित्त सरस्वती भुवन परिसरातून ग्रंथदिंडी!

छत्रपती संभाजीनगर : ‘सकाळ’ पुस्तक महोत्सवानिमित्त सरस्वती भुवन महाविद्यालयातून शनिवारी (ता. १७) सकाळी साडेदहाला ग्रंथदिंडी उत्साहात काढण्यात आली. या ग्रंथदिंडीत ज्ञानेश्वरी, तुकारामांची गाथा आणि भारताचे संविधान यांसारखे मौलिक ग्रंथ पालखीतून मिरवत विद्यार्थी, युवकांनी लक्ष वेधून घेतले. यानिमित्त भारतमातेसोबतच वाचनसंस्कृतीचाही विद्यार्थ्यांनी जयघोष केला.