Chhatrapati Sambhajinaga
esakal
छत्रपती संभाजीनगर: मागील काळात महापालिकेने विविध संस्थांशी करार करीत नाल्यांवर इमारती उभारण्यास परवानगी दिली. महापालिकेच्या याच चुकीमुळे दरवर्षी पावसाळ्याच्या दिवसांत परिसरातील वसाहतींत पाणी शिरून नागरिकांची गैरसोय होते. दरवर्षी या इमारतींखालील नाल्यांतील कचरा पूर्णपणे साफ केला जात नाही. आजही स्थायी समिती सभापतींनी पाहणी केली असता शिवसेना भवनसह लीजवर दिलेल्या सर्वच इमारतींखालील नाले कचऱ्याने तुडुंब भरल्याचे निदर्शनास आले.
