Scholarship Exam
sakal
छत्रपती संभाजीनगर: महाराष्ट्र राज्य परीक्षा परिषदेमार्फत घेण्यात येणाऱ्या प्राथमिक व उच्च प्राथमिक शिष्यवृत्ती परीक्षेसाठी अर्ज भरण्याच्या प्रक्रियेला मुदतवाढ देण्यात आली आहे. येत्या २६ एप्रिल रोजी ही परीक्षा होणार असून शाळा नोंदणी व विद्यार्थ्यांचे ऑनलाइन अर्ज नियमित शुल्कासह ता. १३ फेब्रुवारीपर्यंत स्वीकारले जाणार आहेत. याबाबत परीक्षा परिषदेच्या आयुक्त अनुराधा ओक यांनी माहिती दिली आहे.