छत्रपती संभाजीनगर : खडीरोडचे काम तत्काळ सुरू करावे, या मागणीसाठी शिवसेनेच्या (ठाकरे गट) वतीने महिनाभरापूर्वी चिखल आंदोलन करून महापालिकेचे लक्ष वेधून घेण्यात आले होते. महिना झाला तरी रस्ता कामाला सुरूवात झाली नाही. .त्यामुळे शहरप्रमुख हरिभाऊ हिवाळे यांच्या नेतृत्वाखाली उपशहरप्रमुख दिनेश राजेभोसले यांनी रविवारी (ता. १५) उंटावर बसून आंदोलन केले. देवळाई रस्त्याला समांतर रस्ता म्हणून, खडी रोड ओळखला जातो. काळ्या मातीचा हा खडी रोड ६० फुटांचा व दोन किमी अंतराचा असून देवळाई गावाला जोडणारा आहे..रस्त्याच्या दोन्ही बाजूंनी वसाहती झाल्याने वर्दळ वाढली आहे. रस्त्याने साधा मुरूम देखील टाकलेला नाही. पाऊस झाल्यानंतर वाहने चालविणे तर सोडाच पायी चालणेही कठीण होते. रस्त्याचे डांबरीकरण किंवा सिमेंटीकरण करण्यासाठी नागरिकांच्या पाठपुरवठ्यानंतर, नुकतेच या रस्त्याचे भूमिपूजन करण्यात आले..चार कोटी रुपये खर्चून या रस्त्याचे काम देवळाईतील प्रसिद्ध ठेकेदार करणार आहेत. भमिपूजन होताच रस्त्याच्या कामाला सुरवात केली जाणार असल्याचे पालकमंत्र्यांनी जाहीर केले. परंतु, तसे झाले नाही. यामुळे मे महिन्यातही चिखल आंदोलन केले..Chh. Sambhaji Nagar News : ‘एक पेड माँ के नाम’ उपक्रमात जिल्ह्यातील सर्व शाळांना वृक्षलागवडीचे आदेश.त्यानंतर ठेकेदाराने रस्ता खोदला. त्यातील पाइपलाइन काढून टाकली. पावसामुळे रस्त्याचे काम बंद ठेवले. सध्या रस्त्यावर खड्डे आणि चिखल झाला असून नागरिकांना घराबाहेर पडणेही अवघड झाले आहे. खडी रोडवर प्रशासनाचे लक्ष वेधण्यासाठी रविवारी उंटावर बसून आंदोलन करण्यात आले. शहरप्रमुख हिवाळे उंटाची दोरी पकडून रस्त्यावरून चालत आले. उपशहरप्रमुख दिनेश राजेभोसले यांनी उंटावर बसून, रस्ता आमच्या हक्काचा, नाही कुणाच्या बापाचा, महापालिका प्रशासन मुर्दाबादच्या घोषणा देत नागरिकांचे लक्ष वेधून घेतले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
