पाचोड : धुळे- सोलापूर राष्ट्रीय महामार्गावरील पाचोड येथे रविवारी (ता.१५) मध्यरात्री सुमारास विजेच्या शॉर्टसर्किटमुळे पीव्हीसी पाइपच्या गोदामाला भीषण आग लागली. या आगीत सुमारे ९० लाख रुपयांचे नुकसान झाले आहे..कृष्णा सुभाष चावरे आणि गोविंद चावरे या भावंडांचे पाचोड येथील गोदामात पीव्हीसी पाइप, विद्युत पंप, केबल वायर, फर्निचर आदी लाखो रुपयांचे साहित्य साठवलेले होते. रविवारी मध्यरात्री दीडच्या सुमारास शॉर्टसर्किटमुळे लागलेल्या आगीत संपूर्ण साहित्य जळून खाक झाले..मुरमा गावातील एका व्यक्तीने गोदामाला लागलेली आग पाहून गोविंद चावरे यांना फोन करून माहिती दिली. चावरे कुटुंबीय आणि ग्रामस्थांनी घटनास्थळी धाव घेतली, मात्र तोपर्यंत आगीने रौद्ररूप धारण केले होते. छत्रपती संभाजीनगर येथून पाचारण करण्यात आलेले अग्निशामक बंब दीड तास उशिरा पोचले. तोपर्यंत संपूर्ण गोदाम जळून खाक झाले होते. शेजारील दोन दुकानांनाही आगीचा फटका बसला असून नूतन उभारलेल्या इमारतीसही नुकसान झाले आहे..Chh. Sambhaji Nagar News : प्रधानमंत्री सूर्यघर सौरऊर्जेने उजळली दोन हजार ४०० घरे.या घटनेची नोंद पाचोड पोलिस ठाण्यात करण्यात आली असून पुढील तपास सपोनि सचिन पंडित यांच्या मार्गदर्शनाखाली सहायक फौजदार अण्णासाहेब गव्हाणे करत आहेत..दुर्लक्षामुळे आग भडकली?गोदामाला आग लागल्याचे पाहून एका नागरिकाने काही जणांना फोन केला, मात्र रात्रीची वेळ असल्याने कुणी फोन उचलला नाही. त्याने आवाज देऊन शेजारच्यांना उठविण्याचा प्रयत्न केला असता, त्याला चोर समजून दुर्लक्ष करण्यात आले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
