Chhatrapati Sambhajinagar
esakal
सिल्लोड: तालुक्याच्या महसूल विभागाला सध्या मोठी घरघर लागल्याचे चित्र आहे. लाचलुचपत प्रतिबंधक विभागाच्या (एसीबी) सलग कारवायांमुळे तहसील कार्यालयात शुकशुकाट पसरला आहे. एकीकडे भ्रष्टाचाराचे धाडसत्र सुरू असताना, दुसरीकडे स्वतः तहसीलदार सलग तीन दिवसांपासून कार्यालयातून गायब असल्याने प्रशासकीय गाडा रुतला आहे. परिणामी, सर्वसामान्यांची कामे पूर्णपणे खोळंबली असून नागरिकांना नाहक मनस्ताप सहन करावा लागत आहे.