सबस्क्राईब करा
Chhatrapati Sambhajinagar : पावसाळ्यात अनेक ठिकाणी पुरामुळे वाहतूक थांबणे किंवा पुलावरून पाणी वाहणे अशा स्वरूपाच्या धोकादायक स्थळांवर काही काळ एसटीची वाहतूक थांबविण्यात येते. मात्र, छत्रपती संभाजीनगर जिल्ह्यात अशा स्वरूपाचे एकही धोकादायक स्थळ नसल्याची माहिती विभागीय वाहतूक नियत्रंक अधिकारी पंडित चव्हाण यांनी दिली.
पावसाळ्यापूर्वी धोकादायक स्थळाची माहिती संकलित करण्याचे काम एसटी महामंडळाने हाती घेतले होते. कमकुवत पुल, पुलावरून पाणी वाहण्याची शक्यता, कच्चे रस्ते, रस्ता खचण्याची शक्यता, त्याच बरोबर धोकादायक वळणे आदींची माहिती घेण्यात आली. अशा संभाव्य ठिकाणी अपघात होेऊन आपत्कालीन परिस्थिती निर्माण होणार नाही आणि अशी घटना घडलीच तर काय उपाययोजना कराव्यात याबाबत आढावा घेण्यात आला.
आपल्या जिल्ह्यात पावसामुळे एसटी बसला धोका पोचेल, असे अपघातप्रवण अथवा धोकादायक ठिकाण नाही. तरीही कुठेही पुलावरून पाणी वाहत असेल तर बस चालकांने बस पुढे घेऊन जाऊ नये किंवा कच्च्या रस्त्यावरून बस सुरक्षित व हळुवारपणे चालवावी अशा सूचना दिलेल्या आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
