छत्रपती संभाजीनगर : जिल्हा परिषद शाळांमधील शिक्षकांच्या जिल्हांतर्गत बदली प्रक्रियेत मोठ्या प्रमाणावर अनियमितता आणि बनावट प्रमाणपत्रांचा गैरवापर होत असल्याच्या तक्रारींनंतर राज्य शासनाने या प्रक्रियेसंबंधी कठोर निर्णय घेतले आहेत. .१८ जून २०२४ रोजीच्या शासन निर्णयानुसार, निश्चित केलेल्या विशेष संवर्ग भाग-१ या श्रेणीत विविध आजारांनी ग्रस्त, दिव्यांग, घटस्फोटित, विधवा, कुमारिका, ५३ वर्षे पूर्ण झालेल्या शिक्षकांसह गंभीर आजारांनी ग्रस्त शिक्षकांचे जोडीदार यांचा समावेश करण्यात आला होता. मात्र, या विशेष श्रेणीचा गैरवापर करीत काही शिक्षकांनी खोटी प्रमाणपत्रे सादर करून सोयीस्कर बदली मिळविल्याचे अथवा बदलीपासून सूट मिळविल्याचे निदर्शनास आल्याने शासनाने कठोर उपाययोजना केली आहे..विशेष संवर्ग-१ अंतर्गत बदलीसाठी सादर करण्यात येणाऱ्या दिव्यांगत्व प्रमाणपत्रांच्या शहानिशेसाठी आता त्रिसदस्यीय समितीची स्थापना करण्यात आली आहे. ही समिती सादर केलेल्या दिव्यांगत्व प्रमाणपत्राबाबत शंका व्यक्त करेल, तर संबंधित शिक्षकांची वैद्यकीय तपासणी जिल्हा शल्यचिकित्सकांकडून केली जाणार आहे; तसेच दिव्यांगत्वाचे प्रमाणपत्र हे सार्वजनिक आरोग्य विभाग आणि दिव्यांग कल्याण विभागाच्या मान्यताप्राप्त निकषांनुसारच दिलेले असणे बंधनकारक राहील..तसेच गंभीर आजारांचे वैद्यकीय दाखले सादर करणाऱ्या शिक्षकांचीही फेरतपासणी जिल्हा शल्यचिकित्सकांमार्फत करण्याचे निर्देश देण्यात आले आहेत. याचप्रमाणे घटस्फोटित व परित्यक्ता महिला शिक्षकांनी दिलेल्या माहितीची पडताळणी करण्यासाठी त्यांचे न्यायालयीन आदेश, स्वयंघोषणापत्र, आधार कार्ड, शिधापत्रिका, निवासी पुरावे यांची सखोल तपासणी करण्यात येणार आहे. गरज भासल्यास त्या शिक्षकांच्या प्रत्यक्ष राहत्या पत्त्यावर जाऊन प्रशासन प्रत्यक्ष चौकशी केली जाणार आहे..Ahilyabai Holkar : अहिल्यादेवी होळकरांची प्रशासन पद्धती प्रेरणादायी.या सर्व प्रक्रियेत कोणत्याही प्रकारची बनावट कागदपत्रे, खोटी माहिती अथवा दिशाभूल करणारे पुरावे सादर केल्याचे आढळल्यास, अशा शिक्षकांवर थेट फौजदारी गुन्हा दाखल करण्यात येणार आहे. त्यांना निलंबित करून शिस्तभंगविषयक कारवाई करण्यात येईल, असेही शासनाने स्पष्ट केले आहे. या पार्श्वभूमीवर, मुख्य कार्यकारी अधिकारी व संबंधित अधिकाऱ्यांनी अशा शिक्षकांविरुद्ध योग्य ती कारवाई न केल्यास, त्यांच्याविरोधातही कारवाई केली जाईल, असे शासनाच्या कार्यासन अधिकारी ज्योत्स्ना अर्जुन यांनी स्पष्ट केले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
