हौदात पडून तीन वर्षांच्या चिरमुड्या गौरीचा मृत्यू, वाळूजमधील घटना

वाळूज (जि.औरंगाबाद) : खेळत असताना पाण्याच्या हौदात पडून तीन वर्षीय मुलीचा मृत्यू झाला. ही घटना रविवारी (ता.३०) सकाळी दहा वाजेच्या सुमारास वाळूज (Waluj) येथे घडली. गौरी वैभव बगाडे (वय 3) असे मृत मुलीचे नाव आहे. वाळूज येथील (Aurangabad) दत्तनगरात बगाडे कुटुंबाच्या घरी रविवारी दशक्रिया विधीचा कार्यक्रम होता. जवळच गौरी वैभव बगाडे ही तीन वर्षांची चिमुकली इतर मुलांसह खेळत होती. खेळता- खेळता गौरी गणेश शेंद्रे यांच्या पाण्याने भरलेल्या हौदात सकाळी दहा वाजेच्या सुमारास पडली. (Three Years Old Girl Died After Fallen Water Tank)

इतर मुलांमध्ये गौरी दिसत नसल्याने तिचा परिसरात शोध घेण्यात आला. दरम्यान, हौदात पाहिले असता ती पाण्यात पडलेली आढळून आली. तिला उपचारासाठी वैभव बगाडे व पांडुरंग पाठफुले यांनी घाटीत दाखल केले असता डॉक्टरांनी तपासून मृत घोषित केले. पोलिस उपनिरीक्षक लक्ष्मण उंबरे यांनी घटनास्थळी पाहणी करून पंचनामा केला. या प्रकरणी वाळूज पोलिस ठाण्यात आकस्मिक मृत्यूची नोंद करण्यात आली. पुढील तपास पोलिस निरीक्षक संदीप गुरमे यांच्या मार्गदर्शनाखाली पोलिस हेडकॉन्स्टेबल विठ्ठल खंडागळे करित आहेत.