Courage in Crisis: Daughter Faces Board Exam After Father’s Demise
sakal
जळकोट (जि. लातूर): जीवनात काही संकटे अशी असतात की, त्यातून बाहेर पडावे कसे, असा प्रश्न असतो. परीक्षेतील प्रश्न अभ्यास करून सोडविता येतात; पण जीवनातील काही संकटरूपी प्रश्नांना उत्तरच नसते. असाच काहीसा सुन्न करणारा प्रकार शिवानी माधव देवकत्ते हिच्याबाबत घडला. वडिलांच्या निधनाचे दुःख असताना अश्रूंना आवर घालत तिने बारावीचा पेपर दिला. अंत्यविधी आटोपून शनिवारी (ता.२१) सकाळी अकराला केंद्रात जाऊन तिने गणिताचा पेपर सोडविला.