वाळूज : समोरील वाहनाने स्पिड ब्रेकर आल्यामुळे वेग कमी केला. त्यामुळे पाठोपाठ भरधाव आलेल्या आयशर ट्रक समोरील वाहनावर जोराने धडकला. या अपघात आयशर ट्रकचा चालक गंभीर जखमी झाला. अमोल पाटील (३५, रा. लोनावाडी, जि. जळगाव) असे त्यांचे नाव आहे. दरम्यान, समोरील वाहन घटनास्थळावरून निघून गेले. ही घटना लायननगर फाट्यावर सोमवारी (ता. १८) पहाटे सव्वापाचच्या सुमारास घडली.
हा ट्रक पुण्याहून गोहाटीला जात होता. अपघातानंतर समोरचे वाहन निघून गेले तर ट्रक मुख्य महामार्गाच्या मध्यावरच नादुरुस्त अवस्थेत उभा होता. त्यामुळे नगरकडून येणारी वाहतूक ठप्प झाली होती. वाहनांच्या लांबपर्यंत रांगा लागल्या होत्या. वाळूज पोलिस ठाण्याचे पोलिस उपनिरीक्षक भगवान मुजमुले यांच्या पथकाने घटनास्थळी धाव घेत क्रेन बोलावून अपघातग्रस्त ट्रक बाजूला केला. त्यामुळे वाहतूक सुरळीत झाली. जखमी पाटील यांच्यावर उपचार सुरू आहेत. वाळूज पोलिसांनी घटनेची नोंद केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.