सबस्क्राईब करा
छत्रपती संभाजीनगर : नगर परिषदेतील शहर समन्वयकाला रस्त्यात अडवून लूटमार करणाऱ्या तरुणीसह तिच्या तीन साथीदारांना सिडको पोलिसांनी गजाआड केले. ३१ मे रोजी रात्री साडेअकरा वाजता जळगाव रोडवरील एसबीओए शाळेजवळ हा प्रकार घडला होता. आकाश ऊर्फ आक्या राजेंद्र बनकर (वय २३, रा. आंबेडकरनगर), रवी राजू जाधव (वय २०, रा. मुकुंदवाडी गाव), रोहित ऊर्फ थॅरो रवी जाधव (वय २३, रा. संजयनगर, मुकुंदवाडी) आणि उज्ज्वला जॉली किशोर रगडे (वय ३२, रा. आंबेडकरनगर) अशी आरोपींची नावे आहेत.
प्रकरणात एन-११ नवजीवन कॉलनीत राहणारे राहुल प्रल्हाद चव्हाण (वय ३०) यांनी फिर्याद दिली. यामध्ये चव्हाण हे अहमदपूर (जि. लातूर) नगर परिषदेत शहर समन्वयक म्हणून नोकरी करतात. ३१ मे रोजी सायंकाळी कामानिमित्त चव्हाण अहमदपूरहून परळी (जि. बीड) येथे आले. सायंकाळी ते परळीतून वरिष्ठांच्या कारने निघाले व मुकुंदवाडीतील धूत हॉस्पिटलसमोर उतरले. रात्री ११ः३० च्या सुमारास ते रिक्षाने एसबीओए शाळेजवळ उतरले. तेथून ते घराकडे पायी निघाले असता, दोन तरुणांनी त्यांचा रस्ता अडवला व तुझ्याजवळील मोबाइल आणि पैसे आम्हाला देऊन टाक असे म्हणाले. त्यावर फिर्यादीने नकार दिला असता आरोपींनी झटापट सुरू केली.
फिर्यादी प्रतिकार करत असल्याचे पाहून आरोपींनी आपल्या साथीदारांना फोन करून बोलावले. त्यावेळी एका दुचाकीवर एक तरुण व महिला तेथे आली. त्यानंतर चौघांनी फिर्यादीला मारहाण करून त्यांच्याजवळील ८५०० रुपये बळजबरी काढून घेत एका दुचाकीवर चौघांनी पळ काढला. प्रकरणात सिडको पोलिस ठाण्यात गुन्हा दाखल करण्यात आला. सिडको पोलिस निरीक्षक अतुल येरमे यांच्या मार्गदर्शनाखाली पीएसआय प्रमोद देवकाते, सुभाष शेवाळे, लालखा पठाण, प्रदीप दंडवते, सहदेव साबळे, मंगेश पवार, विशाल सोनवणे यांनी आरोपींचा शोध घेत त्यांना अटक केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.