छत्रपती संभाजीनगर : ‘स्टिक फास्ट’ची नशा करण्यावरून झालेल्या वादात मित्राचा मित्रांनी प्राणघातक शस्त्राने हल्ला केल्याने जागीच मृत्यू झाला. या झटापटीत एक मारेकरीही चाकू लागल्याने जखमी झाला. राजन प्रल्हाद काकडे (वय २२, रा. कबीरनगर) असे मृताचे नाव आहे. ही घटना शनिवारी (ता. २४) दुपारी १२ च्या सुमारास मुरलीधरनगर भागातील एका दैनिकाच्या बंद असलेल्या इमारतीच्या आवारात घडली. याप्रकरणी सातारा पोलिस ठाण्यात गुन्हा नोंद झाला.