Ausa Assembly Election : तुम्ही पिढ्या उध्वस्त केल्या... मी पिढ्या घडवल्या; आमदार अभिमन्यू पवारांचे दिनकर माने यांना जशास तसे उत्तर

औसा - मतदानाची तारीख जशी जशी जवळ येत आहे तशी तशी प्रचाराची तीव्रता वाढत आहे. एकमेकांवर आरोप प्रत्यारोप करतांना अनेकदा खालच्या पातळीवर येऊन व्यक्तिगत टीका केली जात आहे..औसा मतदारसंघात भाजपा महायुतीचे उमेदवार अभिमन्यू पवारांवर महाविकास आघाडीच्या दिनकर माने यांनी काल कासार सिरसी येथे उद्धव ठाकरे यांच्या समोर आमदार अभिमन्यू पवारांवर टीकास्त्र डागत आमदार पवार आणि त्यांच्या मित्रांच्या प्रॉपर्टी बाबत अनेक खुलासे केले होते. यामुळे कालपासून समाजमाध्यमावर त्यांच्या प्रॉपर्टीच्या कागदपत्रांचे फोटोज व्हायरल होत आहेत..यावर आमदार पवारांनी औशात भाष्य करीत विरोधी उमेदवार दिनकर माने यांना चांगले धुवून काढले आहे. तुमच्या कार्यकाळात तरुणांच्या अनेक पिढया उद्धवस्त करण्याचे पाप केले असून मी माझ्या कामातून अनेक पिढ्याना बसविले असल्याचा पलटवार त्यांनी केला आहे..दिनकर माने यांनी केलेल्या आरोपाचे खंडन करताना आमदार अभिमन्यू पवारांनी सांगितले की, ज्या प्रॉपर्टी आणि कंपन्यांचे दाखले देऊन विरोधी उमेदवाराने माझ्यावर बिनबुडाचे आरोप केले आहेत ते साफ खोटे आहे. माझे मित्र कष्टाने, मेहनतीने आणि निर्वसनी राहून प्रगती करीत असतील तर त्यात वावगे काय आहे?.तुम्ही तुमच्या1जवळच्या लोकांना कधी मोठे होऊ दिले नाही त्यामुळे तुमच्या जवळ आलेले अनेकजण बरबाद झाले. एक सायकलचे पंक्चर काढणारा माणूस आज फॉर्च्युनर मध्ये फिरतो. कोटींमध्ये त्याची प्रॉपर्टी कशी होते? ज्या कंपन्यात माझे, माझ्या पत्नीचे व मुलाचे नाव आहे त्यामध्ये आम्ही एक रुपयाचाही व्यवहार केलेला नाही..मित्रांनी कंपनी स्थापन करून ते मोठे होत असतील तर मला याचा अभिमानच असल्याचे सांगत तुम्ही पतसंस्था स्थापन करून कोट्यवधींचा गफळा केला. अनेक गरीब कुटुंबाची जमीन लिहून घेऊन त्यांना व्याजात बुडविले. कार्यकर्त्यांना चांगले शिकविण्यापेक्षा त्यांना दारूच्या व्यसनात गुंतवले.मी माझ्या लोकांना भजनाचा फड दाखविला तुम्ही तमाशाचा फड..लातूर औसा मार्ग कोणी आणि कशासाठी अडविला होता हे सर्वांना माहिती आहे. गुत्तेदाराला कमिशन मागितल्याने काम रखडले आणि या रोडवर जवळपास शंभर ते दीडशे लोकांचा अपघातात बळी गेला. त्या अपघातात दगावलेल्या कुटुंबाचा तळतळाट तुम्हाला लागल्याशिवाय राहणार नसल्याचे त्यांनी सांगितले.जो माणूस स्वतःच्या पुतण्याला मोठे करू शकला नाही तो कार्यकर्त्यांना काय मोठे करेल असा टोला त्यांनी माने यांना लगावला. माझ्यात संयम आहे म्हणून कोणी त्याला कमजोरी समजून काहीही बेताल वक्तव्य करीत असेल तर त्याला जशास तसे उत्तर दिले जाईल असा इशारा त्यांनी दिला आहे.#ElectionWithSakal.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.