वसमत - वसमत येथील महिला भाविकांच्या ॲटोला गाणगापूर येथे बुधवारी ता. ९ रात्री दहा वाजण्याच्या सुमारास एसटी बसने धडक दिल्याने झालेल्या अपघातात दोन महिलांचा मृत्यू झाला असून एक महिला गंभीर जखमी झाली आहे..जखमी महिलेस गुलबर्गा येथील शासकिय रुग्णालयात उपचारासाठी दाखल केले आहे. वसमत तालुक्यातील बाभूळगाव येथील २ व वसमत येथील ४ महिला भाविक गाणगापूर येथे दर्शनासाठी गेल्या होत्या. बुधवारी रात्रीच्या सुमारास गाणगापूर येथे बसने पोहोचल्यानंतर त्या ॲटोने दर्शनासाठी मंदिराकडे निघाल्या होत्या..यावेळी एसटीबस व ॲटोची समोरासमोर धडक झाली या अपघातात रुख्मीनीबाई विठ्ठल ढोरे (४५, रा. बाभूळगाव), कुसुमताई विठ्ठल जाधव (५५, रा. वसमत) यांचा मृत्यू झाला. तसेच बाभूळगाव येथील लक्ष्मीबाई ज्ञानेश्वर ढोरे ह्या गंभीर जखमी झाल्या. त्यांना पुढील उपचारसाठी गुलबर्गा येथील रुग्णालयात हलविण्यात आले आहे..या घटनेची माहिती मिळाल्यानंतर. त्यांच्या नातेवाईकांनी आज पहाटेच गाणगापूरकडे धाव घेतली आहे. मयत रुख्मीबाई यांच्या पश्चात पती, दोन मुली, एक मुलगा असा परिवार आहे. तर मयत कुसुमबाई यांच्या पश्चात पती, दोन मुले असा परिवार आहे. या घटनेमुळे वसमत तालुक्यावर शोककळा पसरली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
