बीड - ‘कारागृहात विशेष सुविधा मिळत असल्याचा आरोप असलेल्या वाल्मीक कराडला येथेच ठेवले जाते आणि सुरक्षेच्या कारणावरून इतर आरोपींना अन्य कारागृहांत हलविले जात आहे, अशी तक्रार धनंजय देशमुख यांनी उपमुख्यमंत्री अजित पवार यांच्याकडे बुधवारी केली.
सरपंच संतोष देशमुख हत्या प्रकरणी त्यांनी पवार यांची आज भेट घेऊन चर्चा केली. हे हत्या प्रकरण उजेडात आणणाऱ्यांना विविध प्रकारे त्रास दिला जात असल्याचे देशमुख म्हणाले. यावर अजित पवार यांनी लेखी देण्याची सूचना केली. देशमुख यांच्या तक्रारींबाबत आपण मुख्यमंत्र्यांना कळविणार आहोत, असे त्यांनी पत्रकार परिषदेत सांगितले.
वाल्मीक कराडला तुरुंगात विशेष जेवण, कायम संपर्कासाठी फोन दिला जात असल्याचा आरोप धनंजय देशमुख यांनी केला होता तर त्याची अमरावती जिल्हा कारागृहात रवानगी करावी, अशी मागणी भाजपचे आमदार सुरेश धस यांनी केली होती. या कारागृहातून गित्ते टोळीचे चौघे व दादासाहेब खिंडकर याची छत्रपती संभाजीनगरच्या तर आठवले टोळीची नाशिक कारागृहात रवानगी केली.
कुटुंबाला २१ लाखांची मदत
औसा (जि. लातूर) - मस्साजोग (ता. केज) येथील सरपंच संतोष देशमुख यांच्या कुटुंबीयांसाठी औसा मतदारसंघातील नागरिकांनी २१ लाखांचा निधी जमा केला. आमदार अभिमन्यू पवार हा निधी देशमुख कुटुंबाकडे सुपूर्द केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.