Beed News
esakal
बीड: उन्हाचा कडाका वाढलेला... अंगाची लाहीलाही होत असतानाच समोर वाहनांचा तुफान रांगा आणि कानावर पडणारा हॉर्नचा कर्णकर्कश आवाज... हे चित्र सध्या बीड शहरातील कोणत्याही मुख्य चौकात गेले की अनुभवायला मिळत आहे.
शहराचे सुशोभीकरण आणि विकासकामे सुरू आहेत हे मान्य, पण या कामांच्या नियोजनाअभावी सर्वसामान्यांचा मात्र अक्षरशः श्वास कोंडला जात आहे. कधीकाळी मोकळे वाटणारे रस्ते आता अतिक्रमणे, रस्त्यावरील बांधकाम साहित्य आणि खोदकामामुळे इतके अरुंद झाले आहेत, की दुचाकी काढतानाही कसरत करावी लागत आहे.