अर्धापूर - अज्ञात चोरट्यांनी परभणी शहरातुन दुपारी दुचाकी लंपास केली. याच चोरलेल्या दुचाकीवरून येऊन हिंगोली शहराजवळील खाटकळी येथील हनुमान मंदिरातील रविवारी मध्यरात्रीनंतर दानपेटी फोडून रक्कम लंपास केली.
ही लंपास केलेली रक्कम अर्धापूर ते वसमत रस्त्यावरील गणपूर शिवारात मोजत असताना सालगडी येत आहे, याची चाहूल लागताच अज्ञात चोरट्यांनी चिल्लर रक्कम व दुचाकी जागीच सोडून पळ काढल्याची घटना सोमवारी सकाळी (ता. २१) झाली आहे.
या चोरीच्या प्रकरणी हिंगोली शहर पोलिस ठाण्यात अज्ञात चोरट्यांविरूद्ध गुन्हा दाखल करण्यात आला आहे. अर्धापूर पोलीसांनी २४ हजार व ४० हजारांची दुचाकी जप्त करून हिंगोली स्थानिक गुन्हे अन्वेषण विभागाच्या अधिकाऱ्यांकडे सुपुर्द केली आहे.
परभणी, हिंगोली व नांदेड या तीन जिल्ह्यांत चोरीचा संबंध आसलेल्या घटनेची पोलीस सूत्रांनी दिलेली माहिती अशी की, परभणी शहरातुन अज्ञात चोरट्यांनी रविवारी दुपारी (एमएच २२ एव्ही ३२५४) लंपास केली. याच लंपास केलेल्या दुचाकीवरून हिंगोली शहर जवळ असलेल्या खाटकळी येथे आले व येथील प्रसिद्ध हानुमान मंदिरातील दानपेटी फोडून रक्कम लंपास केली.
ही रक्कम गणपूर (ता. अर्धापूर) शिवारात सोमवारी सकाळी मोजत असताना शेतीच्या कामासाठी सालगडी शेतात आला. सालगडी येत आहे याची चाहूल लागताच अज्ञात चोरट्यांनी पळ काढला व चिल्लर रक्कम व दुचाकी जागीच सोडून दिले.
सदरील घटनेची माहिती शेतमालकाने अर्धापूर पोलिसांना दिली. घटनास्थळी अर्धापूर पोलिस ठाण्याचे पोलिस उपनिरीक्षक परमेश्वर सुर्यवंशी जमादार शिवराज गोणारकर पप्पू चव्हाण यांनी घटनास्थळी भेट देवून रोख २४ हजार व दुचाकी जप्त केली.
दरम्यान या चोरी प्रकरणी हिंगोली शहर पोलिस ठाण्यात गुन्हा दाखल झाला आहे. त्यामुळे गुन्हे अन्वेषण विभागाचे पोलिस उपनिरीक्षक कपील आगलावे, जमादार विक्रम कुंदनाणी, कोंडीबा मगरे, शिवाजी इंगोले हे अर्धापूर पोलिस ठाण्यात आले व त्यांनी रोख रक्कम व दुचाकी ताब्यात घेतली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.