नांदेड : लॉकडाउनच्या काळात शहरात पोलिसांनी जशी नाकाबंदी करून रस्त्यावर सापशिडी तयार करुन शहरातील वाहुतकीवर नियंत्रण मिळविले. मात्र दुसरीकडे पोलिस व महसुल विभागाने डोळेझाक केल्याने वाळू, गोवंश आदी अवैध धंदेवाल्यासाठी ग्रामिण भागातील रस्ते मोकळे सोडले की काय असा प्रश्‍न निर्माण होत आहे. रात्रभर वाळू माफियांंचे ट्रक शहराच्या आजूबाजूने सर्रास पोलिसांशी हातमिळवणी करून वाळू वाहतुक करत असल्याचे चित्र जिल्हाभरात पहावयास मिळत आहे.
देशात व राज्यात कोरोना या महामारीचा प्रादूर्भाव रोखण्यासाठी लॉकडाउन व संचारबंदी लावण्यात आली आहे. यासाठी पोलिस यंत्रणा रस्त्यावर उभी राहून बंदोबस्त करत आहे. तसेच महुसल विभागानेही आपल्या यंत्रणेला कामाला लावले आहे. तलाठी, मंडळ अधिकारी यांच्यासह आदी कर्मचाऱ्यांना ग्रामिण भागात जावून कोरोनाचा प्रादूर्भाव रोखण्यासाठी जनजागृती करणय्चे काम दिले आहे. मात्र हे पथक नको ते काम करत असल्याच्या तक्रारी पुढे येत आहेत. काही पथके तर चक्क रात्रीला ड्यूटी लावा असा आग्रह धरत असल्याची बाब समोर आली आहे.
नागरी वसाहत असलेल्या भागातून प्रवेश
नांदेड शहरात जागोजागी सापशिडीप्रमाणे रस्ता बंद करून अत्यावश्‍यक सेवेसह सर्वच वाहनांना मुख्य रस्त्यावरुन वळवून नागरी वसाहत असलेल्या भागातून प्रवेश दिल्या जात आहे. या वाहतुकीचा त्रास त्या भागातील नागरिकांना होत आहे. मुख्य रस्त्यावरून वाहतुक सुरू झाल्यास हा त्रास ज्या भागातून सध्या वाहने जात आहेत त्यांना होणार नाही. मुख्य रस्त्यावरून जर वाहतुक झाली तर अनेक गुन्हेगार नाकाबंदीदरम्यान पोलिसांच्या हाती लागु शकतात.
अत्यावश्‍यक सेवेतील लोकांनाही हेलपाटे
हेलपाटे मारत नागरिक आपल्या कर्तव्यावर जात आहेत. काही ठिकाणी पोलिसांची मनमानी पहावयास मिळत आहे. आयटीआय चौक का बंद केला हे काही कळायला मार्ग नाही. या परिसरात वर्तमान पत्रांचे कार्यालये, ग्लोबल सुपर स्पेशालीटी हॉस्पीटल व पुढे अण्णाभाऊ साठे चौक परिसरात मोठे रुग्णालये आहेत. तरीही हा चौक बंद करण्यामागे नेमका पोलिसांचा काय हेतु आहे हे न उलगडणारे कोडे आहे.
येथे क्लिक करा - Video - आशादायी : महिन्यानंतर बाजारपेठेत वाढली शेतकऱ्यांची वर्दळ
पथक रात्रीला ड्युटी करण्यास धन्यता मानत आहे
तर दुसरीकडे शहराच्या आजूबाजूने व ग्रामिण भागातील रस्ते मोकळे सोडण्यात आले आहेत. या रस्त्यावरून वाळू माफिया, अवैध कत्तलीसाठी जाणारे गोवंश, देशी दारु विक्री करणारे महाभाग आपले उखळ पांढरे करुन घेत आहेत. पोलिस व महसुलचे पथक रात्रीला ड्युटी करण्यास धन्यता मानत आहेत. या बाबीकडे जिल्हाधिकारी आणि पोलिस अधीक्षक यांनी लक्ष घालावे अशी मागणी होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.