जिल्हा परिषदेतील शाखा अभियंता लाच घेताना एसीबीच्या जाळ्यात

File photo
File photo
Summary

या प्रकरणी एका गावच्या सरपंचाने एसीबीकडे धाव घेतली होती.

जालना: ग्रामपंचायती अंर्तगत वैयक्तिक नळजोडणी व नवीन पाइपलाइन आरओ व जुनी पाइपलाइन दुरुस्तीचे एमबी तयार केले. त्यानंतर एकूण ७ लाख ४० हजार रुपयांचे बिल मंजूर करण्यासाठी १० हजार रुपये घेतले. त्यानंतर पुन्हा ७५ हजार रुपयांची मागणी करून पहिला हप्त्यापोटी १० हजार रुपये घेणाऱ्या जालना जिल्हा परिषदेअंतर्गत ग्रामीण पाणीपुरवठा उपविभागाच्या शाखा अभियंत्याला (प्रभारी उपअभियंता) लाचलुचपत प्रतिबंधक विभागाच्या (एसीबी) औरंगाबाद विभागाच्या मार्गदर्शनाखाली जागीच पकडले. दामोदर पांडुरंग घोरपडे (५३) असे त्या आरोपी अभियंत्याचे नाव आहे.

File photo
जालना जिल्ह्य़ात नद्यांना पूर;पाहा व्हिडिओ

या प्रकरणी एका गावच्या सरपंचाने एसीबीकडे धाव घेतली होती. त्यानुसार संबंधित ग्रामपंचायतींर्तगत वैयक्तिक नळजोडणी व नवीन पाइपलाइन आरओ व जुनी पाइपलाइन दुरुस्तीचे एमबी तयार करून एकूण ७ लाख ४० हजार रुपयांचे बिल मंजूर करण्यासाठी आरोपी घोरपडे याने १० हजार रुपये घेतले होते. नंतर तो पुन्हा ७५ हजार रुपयांची मागणी करत होता. मात्र लाच देण्याची इच्छा नसल्याने सरपंचांनी एसीबीकडे धाव घेतली.

File photo
मांगनी नदीला पूर, जालना जिल्ह्यातील पाच गावांचा संपर्क तुटला

एसीबीने शहानिशा करून औरंगाबाद पोलिस अधीक्षक (एसीबी) डॉ. राहुल खाडे आणि अपर पोलिस अधीक्षक रूपचंद वाघमारे यांच्या मार्गदर्शनाखाली सापळा लावला असता, घोरपडे याने ७५ रुपयांची मागणी करून पैसे घेताना त्याला अटक करण्यात आली. ही कारवाई सापळा अधिकारी निरीक्षक (जालना) एस. एस. शेख यांच्या पथकातील मनोहर खंडागळे, गणेश चेके, ज्ञानेश्वर म्हस्के, जावेद शेख, प्रवीण खंदारे यांच्या चमूने केली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com