कन्नड, ता.1 (जि.औरंगाबाद) ः सोलापूर-धुळे राष्ट्रीय महामार्गावरील चाळीसगाव घाटात म्हसोबा मंदिराजवळ एसटी बस (एमएच 20 बीएल 3804) व चाळीसगावहून येणारा कंटेनर यांच्यात समोरासमोर रविवारी (ता.एक) सकाळी आठ ते साडेआठ दरम्यान अपघात झाला. औरंगाबाद-धुळे बस औरंगाबादहून धुळेकडे जात होती.
या अपघाताची माहिती मिळताच चाळीसगाव येथील आगार व्यवस्थापक, ग्रामीण पोलीस व महामार्ग पोलीस तात्काळ घटनास्थळी धाव घेतली. या अपघातात 7 ते 8 प्रवाशी जखमी झाले असून जखमींना चाळीसगाव येथील सरकारी दवाखान्यात दाखल करण्यात आले आहे. घाटातून जाणाऱ्या नागरिकांनी महामार्ग पोलीसांना घटनास्थळी मदत केली. सध्या महामार्गाचे काम सुरु असून त्यात पाऊस सुद्धा सुरु आहे. यामूळे रस्त्याच्या बाजूची माती ओली होऊन जड वाहनाचे चाके चिखलात रुतुन अपघाताची शक्यता नाकारता येत नाही, म्हणून घाटातून जाणाऱ्या येणाऱ्या वाहनांनी वेगावर नियंत्रण ठेवून सावकाश वाहने चालावे असे आवाहन महामार्ग पोलीस निरीक्षक नामदेवराव चव्हाण यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
