गंगापूर - कायद्याचे शिक्षण घेण्यास वडिलांनी विरोध केल्यामुळे मुलगा घर सोडून निघून गेल्याची घटना तालुक्यातील शिंगी येथे उघडकीस आली. याप्रकरणी संजय जनार्दन तिखे यांनी गंगापूर पोलिस ठाण्यात तक्रार दाखल केली आहे..तिखे यांना दोन मुले असून, मोठा मुलगा पुण्यात शिक्षण घेतो. धाकटा मुलगा विजय (वय १८) याला लहानपणापासून लासूरगाव येथील दत्त मंदिर दत्ताश्रमात शिक्षणासाठी पाठविण्यात आले होते. नुकताच तो आई-वडिलांकडे राहण्यास आला होता..रविवारी (ता. चार) विजयने कायद्याचे शिक्षण घेण्याची इच्छा व्यक्त केली. वडिलांनी सध्या सीएटी परीक्षेवर लक्ष केंद्रित करण्याचा सल्ला दिला. त्यानंतर रात्री झोपलेला विजय सोमवारी (ता. पाच) सकाळी घरात नव्हता. त्याचा परिसरात शोध घेतला. मात्र, तो सापडला नाही..त्यावरून वडिलांनी गंगापूर पोलिस ठाणे गाठत तक्रार दाखल केली. विजयचा रंग सावळा, उंची पाच फूट पाच इंच, अंगात पोपटी रंगाचा शर्ट, निळी जीन्स व पांढरे बूट आहेत. माहिती मिळाल्यास गंगापूर पोलिसांशी संपर्क साधण्याचे आवाहन करण्यात आले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
