तुळजापूर (जि.उस्मानाबाद) : तुळजाभवानी मंदिरात बेकायदा प्रवेश केल्याप्रकरणी भारतीय जनता पक्षाच्या आध्यात्मिक आघाडीचे प्रदेशाध्यक्ष तुषार भोसले यांच्यासह इतर लोकांवर गुरूवारी (ता.सात) गुन्हा दाखल करण्यात आला आहे. पोलिसांनी सांगितले की, भाजपचे आध्यात्मिक आघाडीचे तुषार भोसले हे गुरूवारी दुपार दोन वाजण्याच्या सुमारास तुळजा भवानी मंदिरात आले होते. भोसले यांनी तुळजाभवानी मातेचे दर्शन घेतले. तसेच मंदिरात माध्यमांशी संवाद ही साधला होता. जिल्हाधिकारी तथा कौस्तुभ दिवेगांवकर यांनी यासंदर्भात चौकशीचे कारवाईचे आदेश दिले होते. प्राधिकृत अधिकारी योगेश खरमटे यांनी या संदर्भात कारवाई होईल, असेही गुरूवारी सांगितले होते. या संदर्भात तुळजाभवानी मंदिर समितीचे सहायक व्यवस्थापक प्रवीण सिताराम अमृतराव यांनी या संदर्भात तुळजापूर पोलिस ठाण्यात फिर्याद दाखल केली आहे. श्री. भोसले यांनी मंदिरात इतरांसह प्रवेश करून तुळजाभवानी मातेचे दर्शन घेतले होते. या संदर्भात गुन्ह्याची नोंद गुरूवारी (ता.सात) मध्यरात्री झालेली आहे.
ते इतर लोक कोण ?
तुषार भोसले यांच्यासोबत असणारे कोण लोक आहेत. याचा पोलिसांना तपास करावा लागणार आहे. राजकीय वजनदार व्यक्ती असल्यामुळे या प्रकरणाच्या तपासात काही कानाडोळा होतो का याचीही चर्चा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
