वसमत - वसमत तालुक्यातील चोंडी आंबा स्टेशन येथील बहिर्जी स्मारक विद्यालयाच्या एका खोलीतील प्लास्टरचा काही भाग कोसळल्याने तीन विद्यार्थी किरकोळ जखमी झाल्याची घटना सकाळी घडली आहे..या विद्यार्थ्यांवर वसमत येथील खाजगी रुग्णालयात उपचार करून घरी पाठविण्यात आले आहे. या प्रकारानंतर आता शाळा प्रशासनाने खबरदारीचा उपाय म्हणून सर्व खोल्यांमधील प्लास्टरची तपासणी करण्याचा निर्णय घेतला आहे.याबाबत सुत्रांनी दिलेल्या माहितीनुसार, वसमत तालुक्यातील चोंडीआंबा येथे बहिर्जी स्मारक विद्यालयाची इयत्ता दहावी पर्यंत शाळा व कनिष्ठ महाविद्यालय आहे. या ठिकाणी चोंडी आंबा गावासह परिसरातील शाळांमधील विद्यार्थी शिक्षणासाठी येतात..या ठिकाणी २० वर्ग खोल्या असून दहा वर्ग खोल्या खाली तर पहिल्या मजल्यावर दहा वर्गखोल्यांचे नव्यानेच बांधकाम करण्यात आले आहे. दरम्यान, आज सकाळी नेहमी प्रमाणे शाळा भरल्यानंतर विद्यार्थी वर्गात जाऊन बसले. यावेळी इयत्ता नववीच्या वर्गात अचानक छताच्या प्लास्टरचा काही भाग कोसळला.या घटनेमध्ये वर्गातील हर्षद देशमुख (रा. सेलु), ऋषीकेश भोसले, प्रथमेश मानोरकर (रा. आंबा) हे तिघे जण जखमी झाले. या घटनेनंतर शाळा प्रशासनाने तातडीने या विद्यार्थ्यांना वसमत येथील खाजगी रुग्णालयात उपचारासाठी दाखल केले. यामध्ये एका विद्यार्थ्याच्या डोक्याला दोन टाके पडले तर दोघांना किरकोळ दुखापत असल्याने त्यांच्यावर प्राथमिक उपचार करून घरी सोडण्यात आल्याचे सांगण्यात आले आहे..या घटनेची माहिती मिळताच संस्थेच्या पदाधिकाऱ्यांनी शाळेत धाव घेतली. सदर प्रकरणाची कोणालाही कानोकान खबर होऊ दिली नाही. तर शाळा प्रशासनाने पालकांना शाळेत बोलावून त्यांना घटनेची माहिती दिली. पालकांनीही याबाबत कुठल्याही प्रकारची तक्रार नसल्याचे स्पष्ट केले..दरम्यान, आता नव्याने बांधकाम करण्यात आलेल्या या दहा वर्गखोल्यातील छताचे प्लास्टर व बिमचे प्लास्टर तपासणी केले जाणार असून, ज्या ठिकाणी दुरुस्तीची आवश्यकता आहे त्या ठिकाणी तातडीने नव्याने प्लास्टर केले जाणार असल्याचे शाळा प्रशासनाच्या सुत्रांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
