Talathi Assaulted over Crop Survey in Chakur; Employees Threaten Work Boycott
Sakal
चाकूर : पीक पाहणी का केली नाही, अशी विचारणा करून ग्राम महसूल अधिकाऱ्याला शिवीगाळ करून लाथाबुक्क्यांनी मारहाण केल्याची घटना मंगळवारी (ता.२९) दुपारी झरी (बु.) येथे घडली असून याप्रकरणी तलाठी मुकिंद पांडुरंग सुडके यांनी दिलेल्या तक्रारीवरून एका विरूध्द शासकीय कामात अडथळा आणल्याचा गुन्हा दाखल करण्यात आला आहे. याविरोधात महाराष्ट्र राज्य तलाठी संघ आक्रमक झाला असून याचा निषेध नोंदवित दोषीला तात्काळ अटक करावी या मागणीसाठी काम बंद आंदोलनचा इशारा तहसीलदारांना दिलेल्या निवेदनाव्दारे दिला आहे.
