Chhatrapati Sambhajinagar News: गॅससाठी १० दिवस वेटिंग; नागरिक त्रस्त!; बुकिंग आहे, मेसेज आहे... पण सिलिंडर नाही!

छत्रपती संभाजीनगर: घरगुती गॅस सिलिंडरसाठी होणारी नागरिकांची कुचंबणा अजूनही कायम आहे. ऑनलाइन बुकिंग होत नाही, डिलिव्हरीचा मेसेज आला. पण, सिलिंडर मिळाला नाही. सिंगल कनेक्शन आहे, तरीही आम्हाला दहा दिवस वेटिंग का? अशा विविध तक्रारी घेऊन नागरिक एजन्सींवर धडकत असल्याचे शनिवारी (ता. २१) ‘सकाळ’च्या पाहणीतून समोर आले. विशेष म्हणजे, सिंगल सिलिंडर असेल तरी अशा ग्राहकांना बुकिंगनंतर आठ ते दहाव्या दिवशीच गॅसपुरवठा करण्याचे धोरण एजन्सींनी अवलंबले.