मुख्यमंत्री उद्धव ठाकरे म्हणाले, महाविकास आघाडीमध्ये एकनाथ खडसे यांचे स्वागत

उस्मानाबाद : एकनाथ खडसेंचा प्रवेश होणे महाविकास आघाडीसाठी ही खूप चांगली गोष्ट आहे. त्यांचा मी महाविकास आघाडीमध्ये स्वागत करित आहे, असे मुख्यमंत्री उद्धव ठाकरे यांनी खडसे यांच्या राष्ट्रवादी प्रवेशाविषयी प्रतिक्रिया देताना बोलले.

धीर सोडू नका, खचून जाऊ नका या शब्दात मुख्यमंत्री ठाकरेंनी दिला नुकसानग्रस्त शेतकऱ्यांना दिलासा

आज बुधवारी (ता.२१) मुख्यमंत्री उस्मानाबाद दौऱ्यावर आहेत. यावेळी त्यांना खडसेंच्या राष्ट्रवादी प्रवेशाबाबत विचारले असता त्यावेळी ते बोलत होते. मुख्यमंत्री उद्धव ठाकरे यांनी काटगाव (ता.तुळजापूर) येथील अतिवृष्टीने नुकसान झालेल्या भागाची बुधवारी पाहणी केली. यावेळी त्यानी शेतकऱ्यांशी संवाद साधत त्यांना धीर देण्याचा प्रयत्न केला. नुकसानग्रस्त शेतकऱ्‍यांना तातडीची मदत म्हणुन धनादेशाचे वाटप करण्यात आले. प्रातिनिधिक स्वरुपात पाच शेतकऱ्यांना धनादेश देण्यात आले. काटगाव येथे मुख्यमंत्री ठाकरे यांनी मनोगत व्यक्त करताना योग्य मोबदला देणार असल्याचे सांगितले. दोन दिवसात मंत्रिमंडळाची बैठक होणार असून पंचनामे पूर्ण होतील. त्यामुळे तेव्हा निश्चितपणानं मदत जाहीर करण्याचे आश्वासन त्यानी दिले.

संपादन - गणेश पिटेकर