Medical College : मेडिकल कॉलेज बांधकामाच्या हालचाली सुरू; हिंगोलीत इमारतीसाठी ४०२ कोटींचा निधी, छत्तीसगडमधील कंपनी करणार काम

हिंगोली : येथील शासकीय वैद्यकीय महाविद्यालयाच्या इमारत बांधकामासाठी हालचाली सुरू झाल्या आहेत. या कामाची नुकतीच निविदा निघाली. छत्तीसगड येथील कन्स्ट्रक्शन कंपनी इमारतीचे बांधकाम करणार आहे..त्यावर केंद्र शासनाची मे. कॉन लि. ही संस्था व्यवस्थापन व सल्लागार म्हणून काम पाहणार आहे. ४०२.४५ कोटी रुपयांच्या निधीतून महाविद्यालयाची इमारत उभी राहणार आहे. हिंगोली येथील शासकीय महाविद्यालयाला परवानगी मिळाल्यानंतर ३ ऑक्टोबर २०२४ ला प्रवेशप्रक्रिया सुरू झाली. ५ नोव्हेंबर २०२४ अभ्यासक्रमाला प्रारंभ झाला..शंभर प्रवेशक्षमता असलेले वैद्यकीय महाविद्यालय सध्या किरायाच्या इमारतीत सुरू आहे. महाविद्यालयाला स्वतःची इमारत असावी, यासाठी शासनदरबारी प्रयत्न करण्यात आले. केंद्रीय आरोग्य मंत्रालयाच्या पथकाने जागेची पाहणीही केली. त्यानुसार जिल्हा सामान्य रुग्णालयालगत असलेल्या शासकीय पशुपैदास प्रक्षेत्राची ३८ एकर जागा महाविद्यालयासाठी हस्तांतरित करण्यात आली..या जागेवर जवळपास १७ हजार चौरस मीटरवर इमारत बांधकाम होणार आहे. उर्वरित जागेत पार्किंग, अधिकाऱ्यांची निवासस्थाने, महाविद्यालयासाठी आवश्यक असलेल्या इतर सोयी-सुविधा उपलब्ध व्हाव्यात, या दृष्टीने कामे सुरू आहेत. ४०२.४५ कोटी रुपयांच्या निधीतून छत्तीसगड येथील कन्ट्रक्शन कंपनी शासकीय वैद्यकीय महाविद्यालयाची इमारत साकारेल. दोन वर्षांत हे काम पूर्ण होईल, अशी अपेक्षा व्यक्त केली जात आहे..महाविद्यालयाच्या कामकाजाची सद्यःस्थितीशासकीय वैद्यकीय महाविद्यालय सध्या बळसोंड भागातील किरायाच्या इमारतीत सुरू आहे. या ठिकाणी जवळपास ६,४८८ चौरस मीटर इमारत आणि जागेसाठी ९ लाख १० हजार ४४४ रुपये भाडे दिले जाते. महाविद्यालयासाठी या ठिकाणी पुरेशी जागा नसली, तरी नवीन इमारतीचे बांधकाम पूर्ण होईपर्यंत येथेच कामकाज चालणार असल्याचे महाविद्यालय प्रशासनातर्फे सांगण्यात आले..कंपनीकडून सर्वेक्षणइमारतीचे बांधकाम दोन वर्षांत पूर्ण करावे, असे निर्देश केंद्रीय आरोग्य मंत्रालयाने दिले आहेत. त्यानुसार हालचाली वाढल्या असून कंत्राटदार कंपनीकडूनही लवकरच बांधकामाला सुरवात होणार असल्याची माहिती वैद्यकीय महाविद्यालय प्रशासनाने दिली. .CM Devendra Fadnavis : अकृषी करासंदर्भातील शासनादेश लवकरच.ज्या ठिकाणी वैद्यकीय महाविद्यालयाची इमारत उभी राहणार आहे, त्या ठिकाणचे माती नमुने कन्स्ट्रक्शन कंपनीच्या अभियंत्यांनी घेतले आहेत. सर्वेक्षण देखील करण्यात आले. प्रयोगशाळेत माती नमुन्यांची तपासणी करण्यात येणार आहे. माती तपासणी अहवालानुसार किती मजली बांधकाम करायचे ते ठरविण्यात येणार असल्याचे सांगण्यात आले. सध्या तरी बांधकामासाठी आवश्यक त्या परवानग्या घेण्यासाठी लगबग सुरू झाली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories