Deglur Land Controversy: Inquiry Ordered Into Alleged Irregular Plot Distribution
esakal
-अनिल कदम
देगलूर: कर्मचाऱ्यांच्या घरकुलाच्या उद्देशाने देण्यात आलेल्या भूखंडांचे वाटप नियम धाब्यावर बसवून झाले का? बाजार समितीची कोट्यवधी रुपयांची मालमत्ता मोजक्या व्यक्तींच्या फायद्यासाठी वापरली गेली का? खरेदीदार संस्थेच्या अस्तित्वावरच प्रश्नचिन्ह असताना व्यवहार कसा झाला? अशा अनेक गंभीर प्रश्नांनी देगलूर कृषी उत्पन्न बाजार समितीच्या भूखंड वाटप प्रकरणाला पुन्हा तोंड फुटले आहे. लातूरच्या विभागीय सहनिबंधकानी या प्रकरणाची सखोल चौकशी करून दोषींवर महाराष्ट्र सहकारी संस्था अधिनियमांतर्गत तातडीने कारवाई करण्याचे आदेश नांदेडच्या जिल्हा उपनिबंधकांना दिल्याने सहकार क्षेत्रात मोठी खळबळ उडाली आहे.
