केज (जि.बीड) : केज तालुक्यातील हादगाव डोका येथे आत्याच्या वर्षश्राद्धच्या कार्यक्रमासाठी आलेल्या बेचाळीस वर्षीय महिलेचा दगडाने ठेचून खून केल्याची घटना बुधवारी (ता.२५) दुपारी उघडकीस आली. या महिलेच्या खूनाच्या घटनेने तालुक्यात खळबळ उडाली आहे. पोलिस उपअधीक्षकांनी घटनास्थळास भेट देऊन पाहणी केली.
तालुक्यातील हादगाव डोका येथे आपली आत्या गंधारबाई इनकर यांच्या वर्षश्राद्धच्या कार्यक्रमासाठी आलेल्या मिरा बाबुराव रंधवे या महिलेला येथील शिवारातील शेतात दगडाने ठेचून चेहरा विद्रूप करून जीवे मारल्याची घटना बुधवारी दुपारी निदर्शनास आली.
मृत महिलेने मंगळवारी कार्यक्रमासाठी लागणाऱ्या साहित्याची खरेदी केल्याची उपस्थितांमध्ये चर्चा होती. या घटनेची माहिती समजताच पोलिस उपअधीक्षक भास्कर सावंत व पोलिस निरीक्षक प्रदीप त्रिभुवन यांनी घटनास्थळी जाऊन पाहणी केली. या खूनाच्या घटनेने तालुक्यात एकच खळबळ उडाली आहे. महिलेचा खून कोणी व का केला? याचा पुढील तपास केज ठाण्याचे पोलीस कर्मचारी करित आहेत. या प्रकरणी अद्यापर्यंत पोलिस ठाण्यात गुन्हा दाखल करण्यात आलेला नव्हता.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
