दौलताबाद - येथील पोलिस स्थानकातील महिला पोलिस हेड कॉन्स्टेबल लता दराडे हिला वीस हजार रुपयांची लाच स्वीकारताना रंगेहाथ पकडण्यात आले. छत्रपती संभाजीनगर लाचलुचपत प्रतिबंधक विभागाने गुरुवारी (ता. २७) ही कारवाई केली..तक्रारदार महिलेच्या पतीने केलेल्या तक्रार अर्जावर कोणतीही कार्यवाही न करण्यासाठी आणि मदत करण्याच्या मोबदल्यात पोलिस कर्मचारी लता दराडे यांनी तक्रारदार आणि तिच्या मित्राकडून प्रत्येकी दहा हजार असे एकूण २० हजार रुपयांची लाच मागितली होती..यावर तक्रारदाराने बुधवारी छत्रपती संभाजीनगर एसीबी कार्यालयात लेखी तक्रार दाखल केली. पथकाने गुरुवारी दौलताबाद पोलिस स्थानकात सापळा रचला होता. मात्र, दराडे तेथे उपलब्ध नसल्याने त्यांनी तक्रारदारांना फोन करून एमराल्ड सिटी, गारखेडा परिसरातील आपल्या घरी बोलावले..तिथेच दराडेने तक्रारदार आणि मित्र राहुल यांच्याकडून वीस हजार रुपये स्वीकारले. यावेळी तत्काळ सापळा रचलेल्या एसीबी पथकाने तिला ताब्यात घेतले. पोलिस उपअधीक्षक बाळासाहेब शिंदे यांनी याबाबत फिर्याद दाखल केली. पुंडलिकनगर पोलिसांत गुन्हा नोंदविण्याची प्रक्रिया सुरू होती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
