वेध लागले धुलीवंदनाचे : बहुगुणी पळस बहरला, जिंतूर तालुक्यात बच्चे कंपनी जंगलाकडे

file photo
file photo

जिंतूर (जिल्हा परभणी) : अवघ्या पंधरा दिवसावर आलेल्या धुलीवंदनाचे नागरिकांना वेध लागले. या आनंदी सणात रंग तयार करण्यासाठी ग्रामीण भागात पळस फुले जमा केली जात आहेत.

जात, धर्म, पंथ, गरीब, श्रीमंत इत्यादी भेदभाव बाजूला सारुन सर्वसमावेशकाचे दर्शन घडवणारा धुलीवंदनाचा सण होळीच्या दुसरे दिवशी परंपरेनुसार साजरा केला जातो. पुढे रंगपंचमीपर्यंत सुरु असतो. रंगोत्सवाचा हा सण महिलांसह अबालवृध्द नागरिकांच्या आनंदाचा सण आहे. विशेषतः या दिवशी लहान मुले व तरुणाईंच्या आनंदाला उधाण येते. पूर्वी शहरातील काही प्रतिष्ठित व्यक्ती मोठ्या टाक्यांमध्ये पाणी व विविध रंग भरुन दुपारच्या सुमारास बैलगाडीद्वारे मिरवणूक काढून पिचकारीने नागरिकांच्या अंगावर रंगाची उधळण करीत. अनेकजण चिखलफेक करीत.

कालौघात हे चित्र बदलल्याने अलीकडे रसायन मिश्रित रंगाऐवजी पळसाच्या फुलांसह वेगवेगळ्या नैसर्गिक घटकांपासून तयार केलेल्या रंगांचा वापर मोठ्या प्रमाणात केला जात आहे. ग्रामीण भागात आतापासूनच पळसाची फुले जमा करुन ती वाळवत आहेत. तालुक्यातील भोसी येथे ग्राम सम्रध्दी विकास कार्यक्रमांतर्गत नैसर्गिक घटकांपासून रंग तयार करण्याची प्रक्रिया सुरु आहे.

बहुगुणी पळस बहरला 
रंगांसोबतच औषधी वनस्पती म्हणून ओळखला जाणारा तसेच रखरखत्या ऊन्हात केशरी रंगाच्या फुलांमुळे आल्हाददायी वाटणारा असा बहुगुणी पळस  तालुक्याच्या विविध भागात बहरला आहे .हलकी, मुरमाड, पाण्याचा निचरा होणारी जमीन व पोषक हवामानामुळे तालुक्याच्या उत्तरेकडील डोंगरी भागात तसेच पूर्व व पश्चिमेकडील कांही भागात पळस मोठ्या प्रमाणात आढळून येतो.
 

संपादन- प्रल्हाद कांबळे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com