Beed News : रस्ते विकासासाठी डॉ. प्रीतम मुंडेनी घेतली केंद्रीय मंत्री गडकरी यांची भेट

परळी वैजनाथ : जिल्ह्यातील रस्त्यांच्या विकास कामांसंदर्भात खासदार डॉ. प्रीतम मुंडे यांनी केंद्रीय रस्तेविकास मंत्री नितीन गडकरी यांची त्यांच्या दिल्लीतील कार्यालयात भेट घेऊन चर्चा केली.

बीड आणि लातूर जिल्ह्याला जोडणाऱ्या राष्ट्रीय महामार्ग क्रमांक ५४८ ब या रस्त्याचे अंबाजोगाई तालुक्यातील लोखंडी सावरगावपर्यंत चौपदरीकरण करण्यात यावे. तसेच कामाचा समावेश रस्ते विकास मंत्रालयाच्या वार्षिक नियोजनात करण्यात यावा, अशी मागणी गडकरी यांच्याकडे केली. मंत्री नितीन गडकरी यांनी या मागणीची दखल घेऊन कामाचा मंत्रालयाच्या वार्षिक नियोजनात समावेश करण्याचा विश्वास दिला.

परळी तालुक्यातील सिरसाळा-पोहनेर या रस्त्याच्या कामाला केंद्रीय रस्ते निधीतून मंजुरी दिल्याबद्दल मंत्री नितीन गडकरी यांचे खासदार डॉ. प्रीतम मुंडे यांनी आभार मानले