लातूर जिल्ह्यात दोन ट्रकचा अपघात; चालक ठार, एक गंभीर जखमी

उजनी (जि.लातूर) : उजनी (ता.औसा) (Ausa) येथील औसा-तुळजापूर राष्ट्रीय महामार्गावरील तेरणा नदीच्या पुलावर सोमवारी (ता.२०) पहाटे पाच वाजण्याच्या सुमारास एका मालवाहतूक ट्रकने दुसऱ्या ट्रकला पाठीमागून जोराची धडक दिल्याने (Accident In Ausa) मोठा अपघात झाल्याची घटना घडली. यामध्ये माठीमागुन धडक देणाऱ्या ट्रक चालकाचा मृत्यु, तर त्यातील एक जण गंभीर जखमी झाला आहे. अण्णावीरया हिरेमठ ( वय २३) असे त्या मृत चालकाचे नाव आहे. तो कर्नाटक राज्यातील कन्नोळी रहिवाशी होता. मिळालेल्या माहितीनुसार ट्रक (एमपी ०७ एच बी ७५७८) हे सोलापूर वरून लातूरच्या (Latur) दिशेने जाताना उजनी येथील तेरणा नदीवरील पुलावर पहाटेच्या वेळी अचानक टायर फुटले.

त्यामूळे ट्रकभर रस्त्यात उभा करण्यात आला होता. त्याच वेळी ट्रकने (केए २८ सी २०४०) उभ्या असलेल्या ट्रकला पाठीमागून जोराची धडक दिली. धडक एवढी जोराची होती की पुढील ट्रक पूर्णतः रस्त्याच्या कडेला ढकलला गेला. परंतु धडक देणाऱ्या ट्रकच्या पुढील बाजू पूर्ण चक्काचूर झाला असून चालकाचा उपचारासाठी घेऊन जात असताना मृत्यू झाला. आणि त्याचा सहकारी गंभीर जखमी असुन त्याच्यावर दवाखान्यात उपचार सुरू असल्याची माहिती मिळाली.