दुष्काळाने घेतले ७६ शेतकऱ्यांचे जीव

Drought
Drought

१४४ पैकी ९९ प्रकल्प कोरडे; तलावातील जलसाठा ०.५६ वर
बीड - जिल्ह्यात यंदा पडलेल्या दुष्काळाने शेतकऱ्यांचे कंबरडे मोडले असून, पाण्याच्या समस्येसह बेरोजगारी, मुलांचे शिक्षण, लग्न, कुटुंब चालवण्यासाठी पैशाची कमतरता यासह विविध समस्यांनी त्रस्त असणाऱ्या शेतकऱ्यांनी आत्महत्येचा मार्ग स्वीकारला आहे. एक जानेवारीपासून आतापर्यंत जिल्ह्यातील ७६ शेतकऱ्यांनी जीवनयात्रा संपवली आहे. यामध्ये बीड तालुक्‍यातील सर्वाधिक शेतकरी आहेत. ७६ पैकी ६३ शेतकऱ्यांना प्रशासनातर्फे एक एक लाखाची मदत मिळाली आहे. 

शेतकऱ्यांसमोर आर्थिक समस्यांचा डोंगर उभा ठाकला आहे. शेतातील कामे बंद झाली. इतर ठिकाणीही हाताला काम मिळेना, सावकाराचे पैसे परत करण्याची चिंता, कुटुंबाचा गाडा कसा चालवणार यासह अनेक प्रश्‍न शेतकऱ्यांसमोर उभे टाकले आहेत. या चिंतेतूनच जिल्ह्यातील शेतकरी आत्महत्याचा मार्ग स्वीकारत आहेत. पाच महिन्यांत ७६ शेतकऱ्यांनी दुष्काळासमोर हार मानून आत्महत्या केली आहे. प्रशासनाकडे असणाऱ्या आकडेवारीवरून दोन दिवसाला जिल्ह्यात एक शेतकरी आत्महत्या होत आहे. शेतकऱ्यांसाठी प्रशासनातर्फे प्रभावी उपाययोजना राबविण्याची गरज निर्माण झाली आहे.

आत्महत्याची आकडेवारी
         भरपाईस पात्र

  बीड    १७    १३
  गेवराई    १३    ११
  केज     १३    १३
  पाटोदा    ०७    ०७
  आष्टी    ०६    ०३
  माजलगाव    ०६    ०५
  वडवणी    ०४    ०३
  परळी     ०५    ०४
  धारूर    ०३    ०२
  शिरूर    ०२    ०२
एकूण     ७६     ६३

तालुकानिहाय टॅंकरची आकडेवारी 
तालुका     गाव/वाड्या    टॅंकर संख्या    मंजूर खेपा

बीड             २६८               १४७             ३१४
आष्टी          २३१               १८३             ३८३
गेवराई          १११              १२८             २४७
शिरूर कासार  ६१               १२२             १९४
पाटोदा          ८२                 ९४              २०१
वडवणी         ५२                 ३१               ८८
अंबाजोगाई    ४०                ५५              १२२
केज              ४४                ७८             १७६
माजलगाव     ३९                ५४             १०८
धारूर            ४३                ३५              ७१
परळी            १२                १२              ३६

तालुकानिहाय चारा छावण्यांची आकडेवारी
तालुका     मंजूर छावण्या     कार्यरत छावण्या     बंद छावण्या

बीड                ३१६                     १८५                  १११
आष्टी             ३११                    १८५                   ११६
शिरूर कासार    ६२                       ५४                    ०८
पाटोदा            ६९                        ५७                   ०९
केज                ६०                       ३५                    २२
अंबाजोगाई       ०३                       ०२                    ००
वडवणी            २३                      १५                     ०६
गेवराई            ७६                      ५७                      ०१
धारूर             ०७                       ०७                     ००
परळी             ०३                       ०३                      ००
माजलगाव      ०३                       ०३                      ००

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com