Kannad Sugarcane Farmer Faces Rs 2 Point 5 Lakh Loss After Hanging Power Line Sparks Fire in One Acre Crop
esakal
कन्नड: आधीच दुष्काळी परिस्थितीमुळे पिके वाचविण्यासाठी शेतकऱ्यांची धडपड सुरू असताना तालुक्यातील गव्हाली तांडा येथील शेतकरी अमोल सुदाम जाधव यांचा एक एकर ऊस आगीत जळून खाक झाला. लोंबकळणाऱ्या विद्युत तारेचा ऊसाशी घर्षण होऊन ठिणगी पडल्याने आग लागल्याचे जाधव यांनी सांगितले. या आगीत ऊसासह ठिबक सिंचन संच व विद्युत पंपाचे नुकसान झाले. मंगळवारी (ता. २९) सायंकाळी साडेचारच्या सुमारास ही घटना घडली. सुमारे अडीच लाख रुपयांचे नुकसान झाल्याचा अंदाज आहे.
