UPSC Success Story: जिद्द आणि कष्ट! शेतकरी पुत्राची 'एनडीए'त गगनभरारी; प्रज्वल सूर्यवंशी भारतीय वायुसेनेत 'फ्लाईंग ऑफिसर', मराठी शाळेतून स्वप्न साकार..

-​संतोष निकम

​कन्नड: "मराठी माध्यमातून शिकलो म्हणून काय झाले? मनात जिद्द आणि कठोर परिश्रमाची तयारी असेल, तर दिल्लीच्या 'यूपीएससी'चे शिखरही पादाक्रांत करता येते," हे कन्नडच्या एका तरुणानं सिद्ध करून दाखवलं आहे. केंद्रीय लोकसेवा आयोगातर्फे (UPSC) घेण्यात आलेल्या ‘एनडीए-२-२०२५’ परीक्षेचा अंतिम निकाल जाहीर झाला असून, शहरातील शिवाजी महाविद्यालयाचा विद्यार्थी प्रज्वल योगेश सूर्यवंशी याने यशाला गवसणी घातली आहे.