ठेवीची रक्कम परत न केल्याने पतसंस्थेच्या संचालकांवर गुन्हा दाखल | Sakal
sakal

बोलून बातमी शोधा

ठेवीची रक्कम परत न केल्याने पतसंस्थेच्या संचालकांवर गुन्हा दाखल
ठेवीची रक्कम परत न केल्याने पतसंस्थेच्या संचालकांवर गुन्हा दाखल

ठेवीची रक्कम परत न केल्याने पतसंस्थेच्या संचालकांवर गुन्हा दाखल

वसमत : वसमत येथील ठेवीदाराच्या ठेवीची मुदत संपल्यानंतरही त्यांना पैसे न दिल्याच्या कारणावरून वसमतच्या महालक्ष्मी महिला नागरी सहकारी पतसंस्थेच्या संचालकांवर (mahalaxmi Mahila Nagari Sahakari Patsanstha)वमत शहर पोलिस ठाण्यात रविवारी रात्री उशिरा गुन्हा दाखल झाला आहे.पोलिसांनी दिलेल्या माहितीनुसार, वसमत येथील काळीपेठ भागातील गोविंदराव व्यंकटराव इपलवार यांनी वसमतच्या महालक्ष्मी नागरी सहकारी पतसंस्थेमध्ये काही रक्कम गुंतवली होती. यावेळी त्यांना बँकेच्या(Bank) संचालिकांनी तसेच व्यवस्थापकाने जादा व्याज दर देण्याचे सांगितले होते.

हेही वाचा: लसीकरण केंद्रासाठी वेळेची मर्यादा नाही : केंद्राकडून स्पष्टीकरण

त्यानुसार त्यांनी ठेवी व आरडी अशा विविध तीन खात्यांमधून सुमारे ८ लाख रुपयांची रक्कम गुंतवली होती.त्यांनतर सदर ठेवी व आरडीची मुदत संपल्यानंतर इपलकवार यांनी पैशाची मागणी केली होती. त्यानंतर बँकेकडून त्यांना नोव्हेंबर २०२१ मध्ये लेखी पत्र देखील दिले होते. त्यानंतर त्यांनी वारंवार पाठपुरावा केला मात्र त्यांना पैसे मिळालेच नाही. त्यामुळे इपकलवार यांनी थेट वसमत शहर पोलिस ठाण्यात तक्रार दाखल केली होती. या तक्रारीवर जमादार भगीरथ सवंडकर यांनी चौकशी करून अहवाल सादर केला.त्या अहवालानुसार आज वसमत शहर पोलिसांनी पतसंस्थेच्या अध्यक्षा सुवर्णा विवेक बागल, व्यवस्थापक सागर उर्फ गजानन बोचकरी, उपाध्यक्ष कावेरी रत्नाकर अडशिरे, संचालिका शारदा अशोक खराटे, वर्षा लक्ष्मण गोंटलवार, रुख्मीनबाई आबासाहेब भोसले, वर्षा भिमराव गोरे, लता शामराव डिगुळकर, ममता राजकुमार अग्रवाल, मिनाक्षी सोपानसा सातपुते, रमाबाई सिध्दार्थ खंदारे, तज्ञ संचालिका मनिषा विजयसा कडतन यांच्या विरुध्द फसवणुक व महाराष्ट्रय ठेवीदारांच्या हित संबंधाचे संरक्षण अधिनिमयांतर्गत गुन्हा दाखल झाला आहे. पोलिस निरीक्षक श्रीमनवार पुढील तपास करीत आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top